જો હું વડાપ્રધાન હોઉં તો મારા મંત્રીમંડળમાં શિક્ષિત તથા યોગ્ય લાયકાતવાળા મંત્રીને સ્થાન આપુ જેથી આખું મંત્રીમંડળ સારી રીતે વિકાસના કામો કરી શકે. મંત્રીઓને વિશ્વાસમાં રાખી દરેક કામ ઝડપથી તથા સારી રીતે થાય તે માટે પ્રયત્ન કરું.મંત્રીમંડળમાં લાયકાત પ્રમાંણે ખાતાની ફાળવણી કરુ જેમ કે ગૃહમંત્રી કાયદાના જાણકાર, પર્યાવરણ મંત્રી પર્યાવરણમાં રસ ધરાવનારને, ઉદ્યોગ અને પરિવહન મંત્રી તે બાબતના જાણકારને બનાવું. આમ દરેક ખાતુ લાયકાત ધરાવતા વ્યક્તિને ફાળવુ જેથી દરેક ખાતું ધરાવનાર વ્યક્તિ પોતાની આગવી શૈલીમાં કામ કરી શકે.

જો હું વડાપ્રધાન હોઉ તો દેશની સીમામાં સંરક્ષણ પ્રત્યે પુરતું ધ્યાન આપુ જેથી સીમા પરની દખલગીરી દુર કરું. દેશની અખંડિતતા જળવાઈ રહે તે માટે સતત પ્રયત્નશીલ રહું. કોઈ દેશ ભારત પર હુમલો કરતા પહેલા સો વખત વિચારે. સેનામાં આધુનિકતા લાવું. આતંકવાદી ગતીવીધી પર પુરુ ધ્યાન આપુ જેથી દેશની રક્ષા થઈ શકે.

જો હું વડાપ્રધાન હોઉં તો ચુટણી સમયે આપેલા વાયદાઓ તથા વચનો પર પુરતું ધ્યાન આપી, ઓછામાં ઓછા સમયમાં પુરા કરવા માટે પ્રયત્ન કરુ જેથી મારા પર મુકેલો લોકોનો વિશ્વાસ હું જીતી શકું. જો હું વડાપ્રધાન હોઉં તો લોકોની પ્રાથમિક જરુરીયાત પુરી કરવા માટે પ્રયત્નો કરું.

FAQs: