ભાષા એ માનવજાતિની આગવી વિશેષતા અને લાક્ષણિકતા છે.પોતાની લાગણીની અભિવ્યક્તિ માટે ભાષા એ ખુબ જ મહત્વનું સોપાન છે. ભાષાના પ્રત્યાયન માધ્યમ તરીકે ટેલિવિઝન એ ખુબ મહત્વનું સાધન છે.આજના સમયમાં કોઈક જ એવું ઘર હશે, જ્યાં ટેલિવિઝન ના હોય.ટેલિવિઝન એ એક જ્ઞાન અને મનોરંજનનું મહત્વનું માધ્યમ છે.

ટેલિવિઝનની શોધ થઈ તેનો હજી એને બહુ ઓછો સમય થયો, પરંતુ તેની લોકપ્રિયતાને લીધે તેને ઘરે ઘરે પહોંચતા વધુ સમય લાગ્યો નહી.જુના સમયના ટેલિવિઝન ખુબ જ મોટા આવતા અને એન્ટેના વાળા હતા તથા તેમા ચિત્રો બ્લેક એન્ડ વાઈટ જ આવતાં તથા થોડા મોંઘા પણ હતાં, આથી તે સમયમાં ટેલિવિઝન ભાગ્ય જ કોઈકને ઘરે જોવા મળે.થોડો સમય વિતતા ટેલિવિઝનની સાઈઝ થોડી નાની થઈ અને રંગીન ટેલિવિઝનનો આરંભ થયો. આ રંગીન ટેલિવિઝને તો લોકોને ટીવીના દિવાના બનાવી દીધા.આ ટેલિવિઝનમા નવી નવી સુવિધા તથા સાઉન્ડ ક્વોલિટી ઉમેરાતાં ગયા અને જન્મ થયો આજના સ્માર્ટ ટીવીનો.