ચોમાસામાં સારો વરસાદ થાય તે ખુબ જ આવશ્યક છે પરંતુ જો જરુંર કરતાં વધારે વરસાદ થાય તો નુકસાન જ નુકસાન થાય છે. ઘણી વખત વધુ પડતો વરસાદ પણ આપત્તિ સર્જે છે. વધુ પડતા વરસાદથી નીચાણવાળા વિસ્તારમાં પાણી ભરાઇ જાય છે.લોકોની ઘરવખરી ડુબી જાય છે.કાચા અથવા નબળા મકાન વધારે વરસાદથી પડી જાય છે, આથી ઘણી વખત જીવ ગુમાવવાનો વારો આવે છે.વધુ પડતા વરસાદથી વિજ પુરવઠો ખોરવાઈ જાય છે, જેથી અંધારપટ સવાઈ જાય છે.રોડ-રસ્તાઓ ધોવાઈ જાય છે, જેથી વાહનવ્યવહાર ખોરવાઈ છે. ક્યારેક ક્યારેક તો નાળાં અને પુલ પણ પાણીમાં ગરકાવ થઈ જાય છે.

અતિવૃષ્ટિને કારણે પશુ પક્ષીઓને પણ ખૂબ જ મુશ્કેલીઓ પડે છે.પ્રાણીઓને ઘાસચારાની તથા પક્ષીઓને ચણની  તકલીફ પડે છે તથા પક્ષીઓના રહેઠાણને પણ નુકસાન થાય છે.

અતિવૃષ્ટિને કારણે ચારેબાજુ પાણી જ પાણી નજરે પડે છે. જાણે કુદરત મનુષ્ય પર કોપાયમાન થયો હોવાનો ભાસ થાય છે.નદીઆોમા આવેલા ઘોડાપુર ઉસળી ઉસળી ને મનુષ્યને તથા માનવજાતને થપાટો મારતા હોવાનો અહેસાસ થાય છે.શહેરોમાં રસ્તાઓ પર નદીઓ વહેવા લાગે છે. મકાનોના માળ પણ પાણીમાં ડૂબી જાય છે. અનાજ અને શુદ્ધ પીવાલાયક પાણીની પણ તકલીફ પડે છે.

આમ, અતિવૃષ્ટિ એ મનુષ્યએ કુદરતને પહોચાડેલ નુકસાનનો ચણચણતો મનુષ્યના ગાલ પર તમાસો છે.

(1) અતિવૃષ્ટિ કે લીલો દુષ્કાળ કોને કહે છે? 

જવાબ:વરસાદ જરૂરિયાત કરતાં વધુ વરસે અને વરસાદ વરસવાથી ફાયદા કરતા નુકસાન વધુ થાય તો તેને અતિવૃષ્ટિ  અથવા લીલો દુષ્કાળ અથવા ભીનો દુષ્કાળ કહે છે.

(2) ઘોડાપુર કોને કહે છે? 

જવાબ: વધુ વરસાદને કારણે આવતા ઘસમસતા પુરને ઘોડાપુર કહે છે.