ડૉ. બાબા સાહેબનું યોગદાન ભારતના ઇતિહાસમાં અનેક રીતે છે. પરંતુ સૌથી મહત્વનું ‘બંધારણના ઘડવૈયા’ તરીકેનું છે. ભારતની વચગાળાની સરકારના તે પ્રથમ ‘કાયદા પ્રધાન’ બને છે. ભારતની બંધારણીય ડ્રાફટીંગ કમિટીના પ્રમુખ તરીકે તેમની પસંદગી થાય છે.ઈ.સ.૧૯૪૮ના રોજ ભારતના બંધારણની કાચી નકલ તૈયાર કરીને પ્રમુખ-ડૉ. રાજેન્દ્ર પ્રસાદને આપે છે.ઇ.સ.૧૯૪૮- ૪, નવેમ્બરના રોજ બંધારણને બહાલી માટે રજૂ કરાય છે.૨૬મી જાન્યુઆરી ૧૯૫૦ના રોજ ભારતમાં બંધારણ અમલમાં આવ્યું અને દેશ પ્રજાસત્તાક બન્યો.આમ ડૉ. બાબા સાહેબ એ ભારતના બંધારણના ઘડવૈયા બન્યા.

ઇ.સ.૧૯૫૨માં સ્વતંત્ર ભારતની પ્રથમ સામાન્ય ચૂંટણીમાં ડૉ. આંબેડકર મુંબઈની બેઠક પરથી ચૂંટણી લડ્યા અને હાર્યા.ઇ.સ.૧૯૫૨માં તેઓ રાજ્યસભાના સભ્ય તરીકે ચૂંટાઈને સભ્ય બન્યા.

ખરાબ તબિયતને કારણે તે લાંબુ જીવી શક્યા નહીં. ૬-ડિસે. ઇ.સ. ૧૯૫૬ની વહેલી સવારે તેઓનું દિલ્હી ખાતે અવસાન થયું.દલિત સમુદાયને આગળ વધારવા માટે તેમણે જે પ્રયત્નો અને શક્તિ લગાવી હતી તે તેમને બાકીના નેતાઓથી અલગ બનાવે છે.

ડૉ. આંબેડકર ભારતના ઈતિહાસના મહાન નેતાઓમાંના એક હતા. તેમણે ભારતીય કાયદા અને બંધારણમાં જે યોગદાન આપ્યું છે તેના પર આપણે તેમને આદર અને શ્રદ્ધાંજલિ આપવી જોઈએ.

FAQs:

(1) કોને બંધારણના ઘડવૈયા કહે છે? 

જવાબ: ડૉ. બાબાસાહેબ ભીમરાવ આંબેડકર

(2) ડૉ. બાબાસાહેબ ભીમરાવ આંબેડકરનો જન્મ ક્યાં અને ક્યારે થયો? 

જવાબ: ડૉ. આંબેડકરનો જન્મ 14 એપ્રિલ 1891ના રોજ મહુમા થયો હતો.

(3) ડૉ. બાબાસાહેબ ભીમરાવ આંબેડકરની અટક કઈ હતી? 

જવાબ: સકપાલ

(4) ડૉ. બાબાસાહેબ ભીમરાવ આંબેડકરની માતાનું નામ શું હતું? 

જવાબ: ભીમાબાઈ

(5) ડૉ. બાબાસાહેબ ભીમરાવ આંબેડકરને અભ્યાસ માટે ક્યા રાજવીએ મદદ કરી હતી? 

જવાબ: મહારાજા સયાજીરાવ ગાયકવાડ

(6) ડૉ. બાબાસાહેબ ભીમરાવ આંબેડકરનું અવસાન ક્યારે અને ક્યા થયું? 

જવાબ: ૬-ડિસે. ઇ.સ. ૧૯૫૬ની વહેલી સવારે તેઓનું દિલ્હી ખાતે અવસાન થયું.